Tərtər rayonu ərazisində
ölümlə nəticələnən yol qəzası qeydə alınıb.
Hadisə Bərdə-Ağdam
magistral yolunun Tərtər rayonunun Hüsənli kəndindən keçən hissəsində baş
verib.
Qəza 1989-cu il
təvəllüdlü İsrafil həsənovun idarə etdiyi "VAZ-2107" və 1975-ci ildə anadan
olmuş Rövşən Əliyevin idarəetməsində olan "BMW" markalı minik
avtomobillərinin toqquşması nəticəsində törəyib. Hər iki sürücü xəsarət alıb.
“VAZ-2107"
markalı avtomobilin sürücüsü xəstəxanaya aparılarkən yolda keçinib. Digər
sürücü isə Bərdə rayonunda xəstəxanaya yerləşdirilib.
Faktla bağlı Tərtər Rayon Polis Şöbəsində araşdırma aparılır.
