Qaçqınların və Məcburi
Köçkünlərin İşləri üzrə Dövlət Komitəsində Füzuli şəhərinə növbəti mərhələdə
köçürüləcək ailələr arasında püşkatma keçirilib.
Proses Dövlət Komitəsi, Azərbaycan Respublikası Prezidentinin
Qarabağ iqtisadi rayonuna daxil olan işğaldan azad edilmiş ərazilərdə (Şuşa
rayonu istisna olmaqla) xüsusi nümayəndəliyi, Füzuli Rayon İcra Hakimiyyətinin
səlahiyyətli şəxslərinin və Dövlət Komitəsi
yanında İctimai Şuranın nümayəndələrinin iştirakı ilə keçirilib.
Füzuli şəhərindəki
yeni yaşayış yerlərinə indiyədək müvəqqəti məskunlaşma binalarında ağır şəraitdə
yaşayan və bu şəhərdə daimi qeydiyyatda olan ailələr ilkin mərhələdə köçürülür.
156 ailə arasında
keçirilən püşkatmada sakinlərə ailə tərkibinə uyğun olaraq verilməsi nəzərdə
tutulan mənzillərin 59-u ikiotaqlı, 80-i üçotaqlı, 17-i dördotaqlıdır.
Tezliklə daimi yaşayış
üçün Füzuli şəhərinə qayıdacaq keçmiş məcburi köçkünlər yaradılan şəraitə, eləcəd
də, onlara göstərilən diqqət və qayğıya görə Prezident İlham Əliyevə və Birinci
vitse-prezident xanım Mehriban Əliyevaya dərin minnətdarlıqlarını bildiriblər.
Püşkatmada iştirak
etmiş ailələr yaxın günlərdə Füzuli şəhərinə yola salınacaq.