Şuşanın Qaybalı kəndində mina hadisəsi baş verib. ANAMA-nın yaydığı xəbərə görə, bu qurumun əməkdaşı, 1981-ci il təvəllüdlü Quliyev Elçin Aydın oğlu xidməti vəzifəsini yerinə yetirdiyi zaman piyada əleyhinə mina partlayışı nəticəsində xəsarət alıb.
Daxili İşlər
Nazirliyi, Baş Prokurorluq və Minatəmizləmə Agentliyinin (ANAMA) birgə məlumat yaydığı
məlumatda bildirilir ki, xəsarət alan Elçin Quliyevə “Sağ ayağın amputasiyası”
diaqnozu qoyularaq, Agentliyin paramediki tərəfindən yerində ilkin tibbi yardım
göstərilib və o, Şuşa rayon xəstəxanasına təxliyə edilib. Hazırda vəziyyəti
stabildir.
Faktla
bağlı Şuşa rayon prokurorluğunda araşdırma aparılır.
