Tədbirdə müdafiə
nazirinin birinci müavini – Azərbaycan Ordusunun Baş Qərargah rəisi
general-polkovnik Kərim Vəliyev, müdafiə nazirinin müşaviri general-polkovnik Bəxtiyar
Ersay, Rusiya Federasiyası Silahlı Qüvvələrinin Baş Qərargah rəisinin müavini
general-polkovnik Sergey İstrakov, hərbi qulluqçular və media nümayəndələri
iştirak ediblər.
Əvvəlcə Azərbaycan,
Türkiyə və Rusya Federasiyasının dövlət himnləri səsləndirilib.
Mərasim
iştirakçılarını salamlayan general-polkovnik K.Vəliyev Birgə Monitorinq Mərkəzinin
fəaliyyəti haqqında danışıb, 2021-ci ilin yanvar ayının 30-dan regionda sülh və
sabitlik naminə vicdanlı və cəsarətli xidmətinə görə Türkiyə və Rusiya
Federasiyasının bölgədə xidmət keçən hərbi qulluqçularına minnətdarlıq edib, onlara
gələcək xidmətlərində uğurlar arzulayıb.
Azərbaycan
Respublikasının Prezidenti, Rusiya Federasiyasının Prezidenti və Ermənistan
Respublikasının Baş nazirinin 10 noyabr 2020-ci il tarixli Bəyanatına uyğun
olaraq Azərbaycan Respublikasının Qarabağ İqtisadi Rayonunda müvəqqəti yerləşdirilmiş
Rusiya Federasiyası sülhməramlı kontingentinin də iki ölkənin ali rəhbərliyi
arasında əldə olunan razılığa əsasən, fəaliyyətini vaxtından əvvəl dayandıraraq
ölkə ərazisindən tam çıxarılması prosesinə başlanıldığna da toxunulub. Bağlanış
mərasimi Həzi Aslanov adına Ordu İdeoloji və Mədəniyyət Mərkəzinin Mahnı və Rəqs
Ansamblının və Heydər Əliyev adına Hərbi İnstitutun Hərbi Orkestrinin iştirakı
ilə bədii proqramın təqdimatı ilə başa çatıb.
